10.ഗര്ഭപാത്രത്തില് നിന്ന് ഒരു സംഭാഷണം
ആണ്കുട്ടി: : ഹലോ എങ്ങനെയുണ്ട് ഇന്ന് ?
പെണ്കുട്ടി: . ഓ കുഴപ്പമൊന്നുമില്ല.'
ആ. കൂടുതല് തണുപ്പുണ്ടോ?
പെ: ഇല്ല, സുഖം നല്ല സുഖം
ആ: വിശക്കുന്നുണ്ടോ തനിക്കു?“
പെ. അതെന്താ നമുക്ക് ഭക്ഷണം ട്യൂബില് കൂടി അല്ലേ? നേരിട്ട്
നമ്മുടെ വയറ്റിലേക്ക്. പിന്നെങ്ങനാ വിശക്കുന്നതു?
ആ:: അതു ശരിയാണല്ലോ? അപ്പൊ എന്നാ നമുക്ക്
സ്വാതന്ത്ര്യം കിട്ടുന്നത്?
പെ: എന്താ സ്വാതന്ത്ര്യമോ ? അതെന്തിനാ
ഇവിടെ സുഖം അല്ലെ?
ആ: അത് കൊള്ളാം , ഇവിടെ
എന്നും താമസിക്കാന് അമ്മ സമ്മതിക്കുമോ, നമ്മളെ പത്തുമാസം
ചുമക്കാനേ അമ്മക്കാവൂ. അതുകഴിഞ്ഞാന് നമ്മളെ പുറത്തു വിടും.
പെ: അമ്മ അതാരാ , ഞാന്
കണ്ടിട്ടില്ലല്ലോ
ആ: അമ്മ, അമ്മയുടെ ഉള്ളില് ആണ്
നമ്മള് ഇപ്പോള് കിടക്കുന്നത്.
പെ; ഇവിടെ എന്താ ഇത്ര
വെള്ളപ്പൊക്കം, കേരളമാണോ ഇത്?
ആ: അതോ, ഈ വെള്ളത്തിലാണ് നാം
ആദ്യം ഉണ്ടായത്.
പെ: നമ്മള് ഉണ്ടായതു ? അതെങ്ങനെ?
ആ; അച്ഛനും അമ്മയും കൂടി
അല്ലേ നമ്മളെ ഉണ്ടാക്കിയത് ?
പെ; അച്ഛന്? അതാരാ ?
ആ: അയാളെ കാണാന് ഇപ്പോള് കഴിയില്ല, നമുക്ക്
പുറത്തു വന്നാല് കാണാം. ഏതായാലും അമ്മയെപോലെ നമ്മോടു സ്നേഹം ഉണ്ടാവുമെന്ന് തോന്നുന്നില്ല അയാള്ക്ക്.
പെ:: എന്നാ നമ്മള് പുറത്തുവരുന്നത്?
ആ: നാല് മാസം കൂടി കഴിയണം.
പെ: എന്താ ചെക്കാ പുറത്തു വന്നാല് ഒരു ഗുണം?
ആ : അവിടെയല്ലേ ബഹുരസം. ഇവിടെ നമ്മള് വെറുതെ
നീന്തുകയും ഉറക്കവുമല്ലേ ഉള്ളൂ. അവിടെ ചെന്നാല് ബഹുരസമാ ?
പെ. ബഹുരസം? അതെങ്ങനെ?
ആ: പുറത്തു ചെന്നാല് നമുക്ക് അമ്മയെയും അച്ഛനെയും
മറ്റുള്ളവരെയും കാണാം, അവരെല്ലാം ആദ്യമാദ്യം നമ്മളെ കൊഞ്ചിപ്പിക്കും.
കളിപ്പിക്കും.
പെ: പിന്നെ?
ആ : അവിടെ സമരം കാണാം , അമ്മയുടെ
കൂടെ ഇരുന്നു സീരിയല് കാണാം, ഉമ്മന് ചാണ്ടിയെയും
ചെന്നിത്തലയെയും വി എസ്സിനെയും പിണറായിയെയും കാണാം. സമരം കാണാം
പെ: ഇത്രയെ ഉള്ളോ?
ആ: പെണ്ണെ നീ സൂക്ഷിച്ചോ , അവിടെ
പെമ്പിള്ളാര് സൂക്ഷിക്കണം അല്ലെങ്കില് അവര് പീഡിപ്പിക്കും, ഏതായാലും ഇവിടെ വച്ച് അച്ഛന്റെ പീഡനം മാത്രം സഹിച്ചാല് മതി, പുറത്തു പോയാല് ആരും
പീഡിപ്പിക്കാം.
പെ: അപ്പൊ അവിടെ എല്ലാം മോശമാണോ ?
ആ: അങ്ങനെയല്ല, നല്ലതും ഉണ്ട്,
പക്ഷെ ഇപ്പോഴൊക്കെ നല്ലതിനേക്കാള് കൂടുതല് ചീത്തയാ
പെ: എന്നാ നല്ലത് വല്ലതും
ഉണ്ടെങ്കില് പറ.
ആ: അവിടെ അമ്മയുടെ സ്ന്രേഹം എല്ലാ കാലത്തും കിട്ടും.
പെ: അപ്പോള് അച്ഛന്റെ?
ആ: അയാള്ക്ക് തോന്നുമ്പോ മാത്രം. നമ്മള്
വഴക്കാളികള് അയാള് അച്ഛന്റെ തല്ലും കിട്ടും.
പെ: പിന്നെ?
ആ; പുറത്തു നല്ല
വെളിച്ചമാണ് ? രാത്രി മാത്രമേ ഇരുട്ടുള്ളൂ. ഇവിടെ ഇപ്പോഴും
ഇരുട്ടല്ലേ?
പെ: വേറെ ?
ആ: അവിടെ നമുക്ക് ധാരാളം കൂട്ടുകാര് ഉണ്ടാവും , അവരുമായി
നമുക്ക് കളിക്കാം, ചിരിക്കാം
വഴക്ക് കൂടാം!
പെ: വേറെ ഒന്നും ഇല്ലേ? അമ്മയുടെ
പുറത്തു വന്നാല് നമ്മടെ വയറ്റിലെ ഈ ട്യൂബുണ്ടാവുമോ
ആ: ഫ മണ്ടീ, പുറത്തുവന്നാല് ഉടനെ
നമ്മളെ അമ്മയുമായി ചേര്ക്കുന്ന ഈ ട്യൂബ് മുറിച്ചു കളയും.
പെ: പിന്നെങ്ങനാ നമ്മള്ക്ക് വിശക്കുംപോള് ?
ആ: വേറെ ഒന്നാം തരം ഭക്ഷണം കിട്ടും, പുറത്തു.
ആദ്യമാദ്യം അമ്മയുടെ പാല് മാത്രം, പിന്നെ ദോശ, ഇഡലി,
പൊറോട്ട , ലഡ്ഡു, ജിലേബി
പിന്നെന്തൊക്കെ, എനിക്ക് വായില് വെള്ളമൂറുന്നു.
പെ: എന്നാല് നമുക്ക് വേഗം പോകാം, എന്താ
?
ആ: വേണ്ട അത് കുഴപ്പമാ, നമുക്ക്
സമയത്തിന് പോയാല് മതി അല്ലെങ്കില് നമുക്കും അമ്മയ്ക്കും കുഴപ്പമാ , ശരി എനിക്കുറക്കം വരുന്നു.അമ്മ ഉറങ്ങിയെന്നു തോന്നുന്നു, നമുക്കും ഉറങ്ങാം.
പെ: ഒ കെ , ഗുഡ് നൈറ്റ്, ബൈ ബൈ..
(Thanks to an email from a friend with similar English dialogue)
Comments
Post a Comment