44.അന്തസ്സൊടെ മരിക്കാന് ദയാവധം വേണൊ വേണ്ടയൊ?
ദയാവധം എന്നാല് എന്താണ് ? മാരകമായ രോഗം മൂലം മരണം ഏതാനും ദിവസങ്ങള്ക്കകമോ ഏതാനും മാസങ്ങള്ക്കകമോ ഉറപ്പായ ചില രോഗികള് ഉണ്ടാവാം. അവരില് ചിലര് അസഹ്യമായ വേദനമൂലം എങ്ങിനെയെങ്കിലും ഒന്നു മരിച്ചാല് മതി എന്നു ആലോചിക്കുന്നവരാവാം. ഇങ്ങനെയുള്ളവരെ മെല്ലെ മെല്ലെ അവരുടെ ആവശ്യപ്രകാരം മരുന്നുകള് കഴിച്ചു മരിക്കാന് സഹായിക്കുന്ന രീതിയാണു ദയാവധം. പാശ്ചാത്യ രാജ്യങ്ങളില് ഇതിനു ദയാവധം ( Mercy killing) അഥവാ ഡോക്ടരുടെ സഹായത്തോടെ ചെയ്യുന്ന ആത്മഹത്യ ( Physician Assisted Suicide - PAS) എന്നും പറയാറുണ്ടു. ചികിത്സിച്ചു ഭേദമാക്കാന് സാധ്യമല്ല്ല എന്നുറപ്പായ ക്രോണിക് രോഗാവസ്ഥ പലപ്പോഴും അവസാനകാലത്തു അസഹനീയമായ വേദനയിലാണ് അവസാനിക്കുന്നത്. ചില തരം ക്യാന്സര് ഇതില് പെടുന്നു. ചില വേദനാസംഹാരികള് തല്കാലത്തേക്ക് വേദന കുറക്കുമെങ്കിലും ക്രമേണ പുതിയ മരുന്നുകള് കൂടിയ അളവില് കഴിക്കേണ്ടി വരും. വേദന സംഹാരികള് ആഴ്ചയിലൊരിക്കല് ആദ്യമാദ്യം എടുക്കുന്ന കുത്തിവെപ്പ് ക്രമേണ ആഴ്ചയില് രണ്ടൊ മൂന്നോ പ്രാവശ്യമൊ ദിവസേനയോ കുത്...
